விஜய்யின் 'சர்கார்' இசை வெளியீடு விழா நடைபெறும் இடம் இங்க தானாம்...!

‘சர்கார்’ படத்தின் இசை வெளியீட்டு விழா, சென்னையில் உள்ள ஒரு தனியார் கல்லூரியில் நடக்க இருப்பதாகத் தகவல் வெளியாகியுள்ளது.

விஜய் நடிப்பில் உருவாகிவரும் படம் ‘சர்கார்’.   ஏ.ஆர்.முருகதாஸ் இயக்கியுள்ள இந்தப் படத்தை, சன் பிக்சர்ஸ் நிறுவனம் தயாரித்துள்ளது. படப்பிடிப்பு முடிந்து போஸ்ட் புரொடக்‌ஷன் பணிகள் நடைபெற்று வருகின்றன. இந்தப் படம், வருகிற தீபாவளிக்கு வெளிவர இருக்கிறது.

கீர்த்தி சுரேஷ் ஹீரோயினாக நடித்துள்ள இந்தப் படத்தில், வரலட்சுமி சரத்குமார், ராதாரவி, பழ.கருப்பையா, யோகி பாபு ஆகியோர் முக்கியக் கதாபாத்திரங்களில் நடித்துள்ளனர். ஏ.ஆர்.ரகுமான் இசையமைக்க, அனைத்துப் பாடல்களையும் விவேக் எழுதியுள்ளார்.

‘சர்கார்’ படத்தின் பாடல்கள் வருகிற அக்டோபர் 2-ம் தேதி காந்தி ஜெயந்தியை முன்னிட்டு ரிலீஸாகும் என ஏற்கெனவே அறிவிக்கப்பட்டிருந்தது. ‘சிம்டாங்காரன்’ என்ற ஒரு பாடல் மட்டும் கடந்த 24-ம் தேதி வெளியிடப்பட்டது. ‘சிம்டாங்காரன்’ என்றால் கவர்ந்து இழுப்பவன், பயமற்றவன், துடுக்கானவன் என்று பொருள். கண் சிமிட்டாமல் சிலரைப் பார்க்கத் தோணுமே... அந்த ஒருவன் என விளக்கமளித்திருக்கிறார் பாடலாசிரியர் விவேக்.

இந்தநிலையில், ‘சர்கார்’ படத்தின் இசை வெளியீட்டு விழா நடக்கும் இடம் பற்றிய  தகவல் வெளியாகியுள்ளது. சென்னை, தாம்பரத்தில் உள்ள சாய்ராம் பொறியியல் கல்லூரியில் ‘சர்கார்’ படத்தின் இசை வெளியீட்டு விழா நடைபெற இருப்பதாக கோலிவுட் வட்டாரத்தில் சொல்லப்படுகிறது.

சென்னையில் உள்ள நேரு உள்விளையாட்டு அரங்கில் தான் விழாவை நடத்தத் திட்டமிட்டு, அனுமதியும் கோரப்பட்டது. ஆனால், இறுதிவரை அனுமதி கிடைக்காததால், ரசிகர்களின் எண்ணிக்கையைக் கருத்தில் கொண்டு சாய்ராம் கல்லூரியில் நடத்தும் முடிவுக்கு படக்குழுவினர் வந்திருக்கிறார்களாம். 

Classic Right sidebar சர்கார், விஜய், முருகதாஸ், சினிமா, Sarkar, Vijay, Murugadoss, Cinema சினிமா 100

from Cauvery News - Tamil News | Latest Tamil News | Tamil News Online | Tamilnadu News |Facebook|youtube blogs https://ift.tt/2IhUnce
via Rinitha Tamil Breaking News