ஜெயல‌லிதாவை குற்றவாளியாக அறிவிக்ககோரிய மனு தள்ளுபடி..!

சொத்து குவிப்பு வழக்கில் ஜெயல‌லிதாவையும் குற்றவாளியாக அறிவிக்க வேண்டும் என கர்நாடகா அரசு தொடர்ந்த மறு சீராய்வு மனுவை தள்ளுபடி செய்து உச்சநீதிமன்றம் உத்தரவிட்டுள்ளது. 

மறைந்த முன்னாள் முதலமைச்சர்  ஜெயலலிதா, சசிகலா, சுதாகரன், இளவரசி ஆகியோர் மீதான சொத்துக்குவிப்பு மேல் முறையீட்டு வழக்கில், கடந்தாண்டு பிப்ரவரி 14 ஆம் தேதி  தீர்ப்பு வெளியானது. இவ்வழக்கை விசாரித்த நீதிபதிகள் பினாகி சந்திரகோஷ், அமிதவ‌ ராய் ஆகியோர் அடங்கிய அமர்வு, பெங்களூரு சிறப்பு நீதிமன்றம் வழங்கிய தீர்ப்பு உறுதி செய்யப்படுகிறது என அறிவித்தது. 

வழக்கின் முதல் குற்றவாளியான ஜெயலலிதா இறந்துவிட்டதால் அவர் மீதான வழக்கு கைவிடப்படுகிறது. சசிகலா, சுதாகரன், இளவரசி ஆகிய மூவருக்கும் தலா 4 ஆண்டு சிறை தண்டனையும், 10 கோடி ரூபாய் அபராதமும் விதிக்கப்படுவதாக அறிவித்தது. 

இதையடுத்து சசிகலா, இளவரசி உள்ளிட்ட மூவரும் பெங்களூரு மத்திய சிறையில் அடைக்கப்பட்டனர். இந்நிலையில், தீர்ப்பு ஒத்திவைக்கப்பட்ட பிறகே ஜெயலலிதா மறைந்ததால், அவரையும் குற்றவாளியாக அறிவிக்க வேண்டும் என்று கர்நாடக அரசு தரப்பில் உச்ச நீதிமன்றத்தில் மறு சீராய்வு மனு தாக்கல் செய்யப்பட்டது. மேலும், ஆனால், கர்நாடகாவின் கோரிக்கையை உச்ச நீதிமன்றம் நிராகரித்ததோடு, சீராய்வு மனுவை தள்ளுபடி செய்தது.

 

Classic Right sidebar ஜெயலலிதா, சொத்து குவிப்பு வழக்கு, Jayalalithaa, Asset Case தமிழகம் 100

from Cauvery News - Tamil News | Latest Tamil News | Tamil News Online | Tamilnadu News |Facebook|youtube blogs https://ift.tt/2zAI9J9
via Rinitha Tamil Breaking News