அரசின் சலுகைகளை பெற போலி சான்றிதழ் மோசடியில் ஈடுபட்ட பெண் கைது

திருப்பூரில் போலி சான்றிதழ்கள் தயாரித்து, வழக்கில் சிக்கியவர்களை ஜாமீனில் எடுத்து வந்த பெண் கைது செய்யப்பட்டுள்ளார்.  மேலும் தலைமறைவாக உள்ள அழகு நிலைய பெண் மற்றும் வழக்கறிஞரை போலீசார் தேடி வருகின்றனர். 

திருப்பூர் திருமுருகன்பூண்டி பகுதியை சேர்ந்த மாசானவடிவு என்கிற பெண் நீதிமன்ற ஜாமீன் மற்றும் அரசு சலுகை பெறக்கூடிய வகையில் தாசில்தார் , வி.ஏ.ஓ உள்ளிட்ட வருவாய்த்துறை அதிகாரிகளின் கையெழுத்து மற்றும் போலி முத்திரை பயன்படுத்தி போலி சான்றிதழ்கள் வழங்கி வந்துள்ளார். 

தொடர்ந்து பல போலி ஆவணங்கள் திருப்பூரில் கொடுக்கப்படுவதாக எழுந்த புகாரையடுத்து  வருவாய் துறை அலுவலர்கள் இணைந்து மணி என்பவர் உதவியுடன் போலி ஜாமின் சான்றிதழ் தயார் செய்து தர வேண்டும் என மாசான வடிவை அனுகியுள்ளனர். 

சான்றிதழை தர 8000 ரூபாய் பேசி 2500 ரூபாயை முன்பணமாக கொடுத்துள்ளார்.  இதனையடுத்து  போலி சான்றிதழ்களை தயார் செய்து மணியை தொடர்பு கொண்டு கொடுத்துள்ளார். அப்போது அவரை கையும் களவுமாக பிடித்த வருவாய் துறையினர் திருப்பூர் வேலம்பாளையம் காவல் நிலையத்தில் ஒப்படைத்தனர். 

தகவலறிந்து விரைந்து வந்த சார் ஆட்சியர் ஷ்ரவண்குமார் மாசானவடிவிடம் போலி சான்றிதழ்கள் தயார் செய்ய உதவியர்கள் குறித்து விசாரணை மேற்கொண்டார். விசாரனையில் அழகு நிலையம் நடத்தி வரும் மகேஸ்வரி, வழக்கறிஞர் சுதாகர் என்பவரோடு  இனைந்து போலி முத்திரை மற்றும் சான்றிதழ்கள் தயாரித்து கொடுத்துள்ளதாக தெரிவித்துள்ளார் . 

இதனையடுத்து மகேஸ்வரியையும் கைது செய்த காவல்துறை மாசானவடிவு மற்றும் மகேஸ்வரியையும் கோர்ட்டில் ஆஜர்படுத்தி சிறைக்கு அழைத்துச்சென்றனர். மேலும் தலைமறைவாக உள்ள வழக்கறிஞர் சுதாகரை தேடி வருகின்றனர்.

Classic Right sidebar திருப்பூர், Thiruppur, Fake Certificate, போலி சான்றிதழ், Signature Forgery தமிழகம் 100

from Cauvery News - Tamil News | Latest Tamil News | Tamil News Online | Tamilnadu News |Facebook|youtube blogs https://ift.tt/2pNF0jl
via Rinitha Tamil Breaking News