காதலி பிறந்தநாளில் காதலிக்கு தோட்டாவை பரிசளித்துவிட்டு காதலன் தற்கொலை

விழுப்புரம் அருகே காதலியான மருத்துவ கல்லூரி மாணவி சரஸ்வதியை சுட்டுக்கொன்று விட்டு, போலீஸ்காரர் கார்த்திக்வேல் தானும் தற்கொலை செய்து கொண்டார். மாணவி சரஸ்வதியை கார்த்திக்வேல் சுட்டுக்கொன்றது ஏன் என்று போலீசார் விசாரணை நடத்தினர். அதில் பல திடுக்கிடும் தகவல்கள் தெரியவந்தன.

விழுப்புரம் மாவட்டம் கஞ்சனூர் அடுத்த அன்னியூரை சேர்ந்தவர் மருத்துவ கல்லூரி மாணவி சரஸ்வதி. தமிழ்நாடு காவல் துறை சிறப்பு பிரிவில், பணியாற்றி வந்தவர் ஈரோட்டைச் சேர்ந்த கார்த்திவேலு. இருவரும் 4 ஆண்டுகளாக காதலித்து வந்துள்ளனர்.

மாணவி சரஸ்வதி பிளஸ்-2 படித்தபோது பேஸ்புக் மூலம் போலீஸ்காரர் கார்த்திக்வேலுடன் பழக்கம் ஏற்பட்ட நிலையில், நாளடைவில் காதலாக மாறியது. பின்னர் சரஸ்வதிக்கு சென்னை கே.கே.நகரில் உள்ள அரசு  மருத்துவ கல்லூரியில் எம்.பி.பி.எஸ். படிக்க இடம் கிடைத்தது.

போலீஸ்காரர் கார்த்திக்வேல் ஈரோட்டில் இருந்து சென்னை வந்து, சரஸ்வதியை அடிக்கடி சந்தித்து காதலை வளர்த்து வந்தனர். இந்தநிலையில், மாணவி சரஸ்வதி அந்த கல்லூரியில் உள்ள ஒரு மாணவருடன் பேசுவதாக கார்த்திக்வேலுக்கு தகவல் கிடைத்தது.

இதனால் சரஸ்வதி மீது கார்த்திக் வேலுக்கு சந்தேகம் ஏற்பட்டது. தான் உயிருக்கு உயிராக காதலித்த சரஸ்வதி தன்னை விட்டுவிட்டு சென்று விடுவாரோ? என்று நினைத்தார் கார்த்திக் வேலு.

வேறுஒரு மாணவருடன் பேசுவது ஏன் என்று அவர் சரஸ்வதியிடம் கேட்டார். இதனால் அவர்களுக்குள் தகராறு ஏற்பட்டதாக கூறப்படுகிறது. இதைத் தொடர்ந்து கடந்த 6 மாதமாக இருவரும் பேசாமல் இருந்துவந்தனர்.

இந்த சூழ்நிலையில் நேற்று சரஸ்வதி தனது பிறந்தநாளை கொண்டாட சொந்த ஊரான அன்னியூருக்கு சென்றார். தனது காதலன் கார்த்திக்வேலுக்கும் அவர் தகவல் தெரிவித்தார்.

இதனையடுத்து, கார்த்திக் வேலும்,  இரவு அங்கு வந்தார். அப்போது வேறுஒரு மாணவருடன் சரஸ்வதி பேசுவது குறித்து கார்த்திக்வேல் மீண்டும் கேட்டார். இதனால் இருவருக்கும் வாய்தகாறு ஏற்பட்டதாக தெரிகிறது.

அதிகாலை 2 மணி வரை நீடித்த பிரச்சனையில் ஆத்திரமடைந்த கார்த்திவேலு தான் வைத்திருந்த, தூப்பாக்கியால் சரஸ்வதியை 2 முறை சுட்டார். 

இதில் ரத்த வெள்ளத்தில் சரிந்தார் சரஸ்வதி,  பின்னர், தன்னை தானே சுட்டுக்கொண்டு, தற்கொலை செய்து கொண்டார். சத்தம் கேட்டு வந்த சரஸ்வதியின் தந்தை, அங்கு சென்று பார்த்த போது, இருவரும் ரத்த வெள்ளத்தில் இறந்து கிடந்ததை கண்டு அதிர்ச்சியடைந்தார்.

இதுகுறித்து தகவல் அறிந்து வந்த  மாவட்ட காவல் கண்காணிப்பாளர் ஜெயக்குமார் விசாரணை மேற்கொண்டார். இதனையடுத்து, இருவரின் உடலையும் மீட்டு உடற்க்கூறு பரிசோதனைக்காக முண்டியம்பாக்கம் அரசு மருத்துவக்கல்லூரி மருத்துவமனைக்கு போலீசார் அனுப்பி வைத்தனர்.

கஞ்சனூர் காவல்துறையினர் வழக்கு பதிவு செய்து விசாரணை மேற்க்கொண்டு வருகின்றனர்.

காதலி பிறந்தநாளில் காதலியை சுட்டுக்கொன்ற காதலன் தன்னை தானே சுட்டுக் கொண்டு உயிரிழந்த சம்பவம் அப்பகுதியில் பரபரப்பை ஏற்படுத்தியது.

Classic Right sidebar விழுப்புரம், தற்கொலை, Villuppuram, Suicide, Murder தமிழகம் 100

from Cauvery News - Tamil News | Latest Tamil News | Tamil News Online | Tamilnadu News |Facebook|youtube blogs https://ift.tt/2EaChKQ
via Rinitha Tamil Breaking News