ஜெயலலிதா மறைவுக்குப் பிறகு, அதிமுக வலுவான கட்சியாக உருவெடுத்துள்ளது - முதலமைச்சர் பழனிசாமி

ஜெயலலிதா மறைவுக்குப் பிறகு, அனைத்து சதிகளையும் முறியடித்து, அதிமுக வலுவான கட்சியாக உருவெடுத்துள்ளது என முதலமைச்சர் எடப்பாடி பழனிசாமி உறுதிபடத் தெரிவித்துள்ளார்.

அதிமுக-வை அழிக்க மேற்கொள்ளப்பட்ட அனைத்து சதிகளையும் முறியடித்து வலுவான கட்சியாக, அதிமுக உருவெடுத்திருப்பதாக அக் கட்சியின் இணை ஒருங்கிணைப்பாளரான முதலமைச்சர் எடப்பாடி பழனிசாமி தெரிவித்துள்ளார்.

சென்னை ராயப்பேட்டையில் உள்ள அதிமுக தலைமை அலுவலகத்தில் கட்சியின் புதிய உறுப்பினர்களுக்கு டிஜிட்டல் வடிவ அட்டைகள் வழங்கும் விழா நடைபெற்றது. இதில் கட்சி ஒருங்கிணைப்பாளரான துணை முதலமைச்சர் ஓ. பன்னீர்செல்வம், இணை ஒருங்கிணைப்பாளரான முதலமைச்சர் எடப்பாடி பழனிசாமி மற்றும் கட்சி முன்னணியினர், அமைச்சர்கள் பலர் கலந்து கொண்டனர்.

புதிய உறுப்பினர்களுக்கு க்யூ ஆர் கோடு வசதியுடன் கூடிய டிஜிட்டல் உறுப்பினர் அட்டைகளை இருவரும் வழங்கினர். பின்னர் பேசிய முதலமைச்சர் எடப்பாடி பழனிசாமி, உறுப்பினர் சேர்க்கைக்கு உழைத்த அனைவருக்கும் நன்றி தெரிவித்தார்.

மேலும், ஜெயலலிதா மறைவுக்குப் பிறகு அதிமுக-வை அழிக்க மேற்கொள்ளப்பட்ட அனைத்து சதிகளையும் முறியடித்து வலிமையான கட்சியாக அதிமுக உருவெடுத்திருப்பதாக பெருமிதம் தெரிவித்தார்.

பின்னர் பேசிய ஓ. பன்னீர்செல்வம், அதிமுக-வில் இருந்து நீக்கப்பட்ட தினகரனும் சசிகலாவும் மீண்டும் கட்சியில் சேர்க்கப்படமாட்டார்கள் என்றும், அ.ம.மு.க.வுடன் தொடர்பில் உள்ளவர்களிடம் விளக்கம் கேட்கப்பட்டுள்ளதாகவும் தெரிவித்தார்.

அவரைத் தொடர்ந்து பேசிய அதிமுக துணை ஒருங்கிணைப்பாளர்களில் ஒருவரான கே.பி. முனுசாமி, புதிய உறுப்பினர்கள் பதவிக்கு வந்துவிட்டதால், சசிகலாவுக்கு இனி அதிமுக-வில் இடமில்லை என்றும் உறுதிபடக் கூறினார்.
 

Classic Right sidebar முதலமைச்சர் பழனிசாமி, TN CM Palaniswami, ADMK, Royapettah, அதிமுக, Chennai, O panneerselvam, ஓ. பன்னீர்செல்வம் அரசியல் 100

from Cauvery News - Tamil News | Latest Tamil News | Tamil News Online | Tamilnadu News |Facebook|youtube blogs https://ift.tt/2ygbRSz
via Rinitha Tamil Breaking News