எம்.எல்.ஏ கருணாஸ் மீதான வழக்கை ரத்து செய்ய உயர்நீதிமன்ற கிளை மறுப்பு

பூலித்தேவன் பிறந்த நாள் விழாவில் வாகனத்தை சேதபடுத்திய வழக்கில் சட்டமன்ற உறுப்பினர் கருணாஸ் மீதான வழக்கினை ரத்து செய்ய முடியாது என உயர்நீதிமன்ற மதுரைக்கிளை மறுப்பு தெரிவித்துள்ளது.

நெல்லை மாவட்டம் நெற்கட்டும் சேவலில் 2017-ம் ஆண்டு நடைபெற்ற  பூலித்தேவன் பிறந்த நாள் விழாவின் போது தமிழ்நாடு தேவர் பேரவையின் மாநில தலைவர் முத்தையாவின் வாகனத்தை கருணாஸ் ஆதரவாளர்கள் சேதப்படுத்தியதாக புகார் தெரிவிக்கப்பட்டது. இந்நிலையில், கருணாஸ் தாக்கல் செய்துள்ள மனுவில், சம்பவம் நடந்தபோது தான் அந்த இடத்தில் இல்லை என்றும், இந்த வழக்கில் நீதிமன்றம் தனக்கு முன்ஜாமீன் வழங்கியுள்ளதால் வழக்கை ரத்து செய்ய வேண்டும் என கோரியிருந்தார். 

இந்த மனு நீதிபதி ஆனந்த்வெங்கடேஷ்  முன்பு விசாரணைக்கு வந்தது. அப்போது முன்ஜாமீன் வழங்கியுள்ளது என்பதற்காக வழக்கினை ரத்து செய்ய முடியாது என நீதிபதி மறுத்துவிட்டார். மேலும், வழக்கு தொடர்பாக புளியங்குடி காவல் ஆய்வாளர் இரண்டு மாதத்தில் குற்றபத்திரிக்கை தாக்கல் செய்ய வேண்டும் என்றும் நீதிபதி உத்தரவிட்டார்.

Classic Right sidebar தமிழகம் 100

from Cauvery News - Tamil News | Latest Tamil News | Tamil News Online | Tamilnadu News |Facebook|youtube blogs https://ift.tt/2pODL3A
via Rinitha Tamil Breaking News