எம்.ஜி.ஆரை போல் ஜெயலலிதாவை சிகிச்சைக்காக வெளிநாடு அழைத்து செல்லாதது ஏன்?

எம்ஜிஆருக்கு அளிக்கப்பட்ட சிகிச்சை ஆவணங்களை சமர்ப்பிக்க அப்போலோ மருத்துவமனைக்கு, ஜெயலலிதா மரணம் தொடர்பாக விசாரிக்கும் ஆறுமுகசாமி ஆணையம் உத்தரவிட்டுள்ளது.

ஜெயலலிதா மரணம் தொடர்பாக ஓர் ஆண்டுக்கு மேல் ஆறுமுகசாமி ஆணையம் விசாரணை நடத்தி வந்தது. கடந்த வாரம் முன்னாள் ஆளுனர் வித்யாசகர ராவ் செயலாளர் ஆஜராகி விளக்கமளித்தார்.

மருத்துவமனையில் ஜெயலலிதாவை வித்யாசகர ராவ் முதல்முறையாக பார்க்க சென்றபோதே அவர் அபாயகரமான நிலைமையில் இருந்தது தெரியவந்ததாக கூறினார். ஜெயலலிதாவை வெளிநாடு அழைத்துச் செல்ல அப்போதைய ஆளுனர் வித்யாசகர ராவ் ஏன் பரிந்துரைக்கவில்லை என்று ஆணையம் கேள்வி எழுப்பியது.

இந்நிலையில், எம்ஜிஆருக்கு அளிக்கப்பட்ட சிகிச்சை தொடர்பான முழு ஆவணங்களை சமர்ப்பிக்க அப்போலோவுக்கு கடந்த 4 ஆம் தேதி கடிதம் எழுதியுள்ளது. 1984 ஆம் ஆண்டு அப்போலோ மருத்துவமனையில் சேர்க்கப்பட்ட எம்ஜிஆருக்கு என்னனென்ன பிரச்சினைகள் இருந்தன, எதனடிப்படையில் அவர் அமெரிக்கா அழைத்துச் செல்லப்பட்டார் என்று கேட்டுள்ளது.

வெளிநாடு அழைத்துச் செல்ல அப்போலோ மருத்துவமனையே பரிந்துரைத்ததா ? அல்லது அரசு சார்பில் பரிந்துரைக்கப்பட்டதா என்றும் கேள்வி எழுப்பியுள்ளது. வரும் 23 ஆம் தேதிக்குள் சிகிச்சை ஆவணங்களை அனைத்தையும் தாக்கல் செய்ய வேண்டும் என்று ஆறுமுகசாமி ஆணையம் உத்தரவிட்டுள்ளது.

Classic Right sidebar ஆறுமுகசாமி ஆணையம், ஜெயலலிதா, வித்யாசகர ராவ், அப்போலோ மருத்துவமனை, எம்ஜிஆர், MGR, Arumugasamy Commission, Jayalalithaa, Apollo Hospitals, Chennai, ADMK, அதிமுக தமிழகம் 100

from Cauvery News - Tamil News | Latest Tamil News | Tamil News Online | Tamilnadu News |Facebook|youtube blogs https://ift.tt/2RHjVnC
via Rinitha Tamil Breaking News