டிட்லி புயல் தாக்குதலால் மக்களின் இயல்பு வாழ்க்கை பாதிப்பு

டிட்லி புயல் தாக்கியதில், ஒடிஷா, ஆந்திரபிரதேச மாநிலங்கள் கடும் சேதத்தை சந்தித்துள்ளன. ஆந்திரபிரதேச மாநிலத்தில், புயலுக்கு 8 பேர் உயிரிழந்தனர்.

கிழக்கு மத்திய வங்ககடலில் நிலவி இருந்த டிட்லி புயல் ஒடிசா மற்றும் வடக்கு ஆந்திரா பகுதியில் கரையை கடந்தது. ஒடிஷா மாநிலத்தில் பாலசோர், பூரி உள்ளிட்ட மாவட்டங்கள் பலத்த சேதத்தை சந்தித்துள்ளன. மின் விநியோகம் துண்டிக்கப்பட்டதால், பொதுமக்கள் மிகுந்த இன்னலுக்கு ஆளாகியுள்ளனர்.

மேலும் ஏராளமான விளைநிலங்களும் சேதடைந்தன. ஆந்திரப்பிரதேச மாநிலத்தில் வீரகாட்டம் உள்ளிட்ட பகுதிகளில் பல ஏக்கர் பரப்பளவில் பயிரிடப்பட்டிருந்த வாழைப் பயிர்கள் முற்றிலும் சேதமடைந்ததால் விவசாயிகள் கவலையடைந்துள்ளனர்.

புயல் பாதிப்பால் , ஸ்ரீகாகுளம், விஜயநகரம் மாவட்டங்களில் 8 பேர் உயிரிழந்தனர். புயல் பாதித்த பகுதிகளில் மீட்பு பணிக்கு தேவையான உதவிகள் வழங்கப்படும் என்று பிரதமர் மோடி தெரிவித்துள்ளார்.

Classic Right sidebar டிட்லி புயல், Titli Cyclone, Andhra pradesh, ஆந்திரபிரதேசம் இந்தியா 100

from Cauvery News - Tamil News | Latest Tamil News | Tamil News Online | Tamilnadu News |Facebook|youtube blogs https://ift.tt/2ya6wMD
via Rinitha Tamil Breaking News