பேரறிவாளன் உள்ளிட்ட 7 தமிழர்கள் விடுதலை எப்போது..? ஆளுநர் தொடர்ந்து மவுனம்

பேரறிவாளன் உள்ளிட்ட 7 தமிழர்களையும் விடுதலை செய்ய வேண்டும் என்று ஆளுனர் பன்வாரிலாலுக்கு தமிழக அரசு பரிந்துரை செய்து ஒரு மாதமாகியும் இன்னும் விடை தெரியவில்லை.

முன்னாள் பிரதமர் ராஜிவ் கொலை வழக்கில்  பேரறிவாளன் உள்ளிட்ட 7 தமிழர்களையும் விடுதலை செய்ய வேண்டும் என்று ஆளுனருக்கு முதலமைச்சர் எடப்பாடி பழனிச்சாமி தலைமையிலான அமைச்சரவை கடந்த மாதம் 9 ஆம் தேதி பரிந்துரை செய்தது.  

7 தமிழர்களின் விடுதலை குறித்து முடிவெடுக்கும் அதிகாரம் தமிழக அரசுக்கு உண்டு என்று உச்சநீதிமன்றம்  தீர்ப்பளித்த நிலையில், தமிழக அமைச்சரவை கூடி இந்த முடிவை எடுத்தது. இந்திய அரசியலமைப்புச் சட்டத்தின் 161 ஆவது பிரிவின்படி ஆளுனருக்கு இந்த பரிந்துரை செய்யப்பட்டுள்ளது.

ஆளுனர் இந்த பரிந்துரையை எந்த காரணத்தைக் கூறியும் நிராகரிக்க முடியாது என்று அமைச்சர் ஜெயக்குமார் திட்டவட்டமாக தெரிவித்தார். ஆனால், பல்வேறு விவகாரங்களை கிளப்பியுள்ள ஆளுநர் புரோகித்,  7 தமிழர்கள்  விடுதலை தொடர்பாக இதுவரை எந்த முடிவையும் தெரிவிக்காமல் காலம் தாழ்த்துகிறார்.

தமிழக அமைச்சரவையின் பரிந்துரையை சர்ச்சை ஆக்காமல், அதை ஏற்று 7 தமிழர்களையும் விடுதலை செய்ய ஆளுனர் பன்வாரிலால் புரோகித் ஆணையிட வேண்டும் என்று பெரும்பாலான கட்சிகள் வலியுறுத்தி வருகின்றன.

ஏற்கனவே பல ஆண்டுகள் சிறையில் கழித்த 7 பேரும், ஆளுநரின் தாமதத்தால் இன்னும் சிறையில் காலம் தள்ள வேண்டிய நிலை ஏற்பட்டுள்ளது.

Classic Right sidebar Tamil Nadu, Banwarilal Purohit, Rajiv Gandhi Case, Perarivalan, தமிழக அரசு, பேரறிவாளன், ராஜிவ் கொலை வழக்கு, பன்வாரிலால் புரோகித் தமிழகம் 100

from Cauvery News - Tamil News | Latest Tamil News | Tamil News Online | Tamilnadu News |Facebook|youtube blogs https://ift.tt/2NAnTeu
via Rinitha Tamil Breaking News