கழிவறை இல்லாததால் பிரிந்து சென்ற காதல் மனைவி... மனமுடைந்த காதலன் தற்கொலை

கழிவறை இல்லாததால் காதல் திருமணம் செய்த மனைவி பிரிந்து சென்றதால் மனம் உடைந்த இளைஞர், திருமணமான 3-வது நாளில் கிணற்றில் குதித்து தற்கொலை செய்த சம்பவம்  ஓமலூர் அருகே, பெரும் சோகத்தை ஏற்படுத்தி உள்ளது. 

சேலம் மாவட்டம் ஓமலூர் அருகே உள்ள கோட்டகவுண்டம்பட்டியில் உள்ள விவசாய கிணற்றில் 25 வயது மதிக்கத்தக்க இளைஞர் ஒருவர் இன்று காலை பிணமாக கிடந்தார். இதை பார்த்த அந்த பகுதியினர் ஓமலூர் தீயணைப்பு நிலையத்திற்கும், சூரமங்கலம் போலீசாருக்கும் தகவல் தெரிவித்தனர்.

உடனே அங்கு விரைந்து சென்ற போலீசார் மற்றும் தீயணைப்பு துறையினர் கிணற்றில் கிடந்த வாலிபரின் உடலை மீட்டு பிரேத பரிசோதனைக்காக சேலம் அரசு மருத்துவமனைக்கு அனுப்பிவைத்தனர். மேலும் இது தொடர்பாக விசாரணை நடத்திய போது, கிணற்றில் பிணமாக மிதந்தது.... கோட்டகவுண்டம்பட்டியைச் சேர்ந்த சிவாஜி என்பவரின் மூத்த மகன் செல்லதுரை என்பது தெரியவந்தது.

இதுகுறித்து போலீசார் நடத்திய தீவிர விசாரணையில்,  அதிர்ச்சிக்குள்ளான தகவல்களை வெளியாகின. பி.இ. பட்டதாரியான செல்லதுரை சேலத்தில் உள்ள ஒரு தனியார் நிறுவனத்தில் பணிபுரிந்த போது, அதே நிறுவனத்தில் பணிபுரிந்த தீபா என்ற பெண்ணை காதலித்து வந்தார். இந்தநிலையில்,  கடந்த 23-ந் தேதி  காதல் திருமணம் செய்து கொண்ட செல்லதுரை, தனது சொந்த ஊரான கோட்டகவுண்டம்பட்டியில் உள்ள வீட்டிற்கு தீபாவை அழைத்துச் சென்றுள்ளார்.  

அங்கு  ஒரு நாள் தங்கிய தீபா, வீட்டில் கழிவறை இல்லாததால் கணவருடன் வாக்குவாதத்தில் ஈடுபட்டதாக கூறப்படுகிறது. பின்னர் வேலைக்கு செல்வதாக கூறிவிட்டு,  தனது தாய்வீடான சேலத்துக்கு சென்றுவிட்டார். இதனையடுத்து, சேலத்திற்கு சென்ற செல்லதுரை, விரைவில் கழிவறை கட்டுவதாக உறுதியளித்தும் காதல் மனைவி நம்பாததால்,  மனமுடைந்த செல்லத்துரை,  விவசாய கிணற்றில் குதித்து தற்கொலை செய்து  கொண்டதாக கூறப்படுகிறது. 

கழிவறை இல்லாததால் காதல் திருமணம் செய்த மனைவி பிரிந்து சென்றதால் மனம் உடைந்த இளைஞர், திருமணமான 3-வது நாளில் கிணற்றில் குதித்து தற்கொலை செய்த சம்பவம் அந்த பகுதியில் பெரும் சோகத்தை ஏற்படுத்தி உள்ளது. இது குறித்து சூரமங்கலம் போலீசார் தொடர்ந்து விசாரணை நடத்தி வருகின்றனர்.

 

Classic Right sidebar சேலம், ஒமலூர், காதல் ஜோடி, salem தமிழகம் 100

from Cauvery News - Tamil News | Latest Tamil News | Tamil News Online | Tamilnadu News |Facebook|youtube blogs https://ift.tt/2Qfz65V
via Rinitha Tamil Breaking News